Tuesday, June 15, 2010

მსოფლიოს საერთაშორისო ორგანიზაციები

გასული საუკუნის მეორე ნახევარში საერთაშორისო არენაზე შექმნილმა პოლიტიკურმა თუ ეკონომიკურმა მდგომარეობამ დღის წესრიგში დააყენა მრავალი ორგანიზაციისა და გაერთიანების შექმნის აუცილებლობა.21-ე საუკუნის დასაწყისისთვის მსოფლიოში მრავალი საერთაშორისო თუ რეგიონული ორგანიზაცია მოქმედებს.სწორედ მათი ძალისხმევით ხდება არაერთი გლობალური თუ რეგიონული პრობლემის გადაწყვეტა.დანიშნულებისა და მოქმედების მიხედვით არსებობს უნივერსალური,სამხედრო-პოლიტიკური,ეკონომიკური და მრავალი სხვა სახის საერთაშორისო და რეგიონული ორგანიზაციები.
Posted by at No comments:
Subscribe to: Posts (Atom)

გაერო

გაერთიანებული ერების ორგანიზაცია,რომელიც ნებაყოფლობის საფუძველზე აერთიანებს მსოფლიოს სუვერენულ სახელმწიფოებს,არის საყოველთაო მშვიდობის უზრუნველყოფისა და სახელმწიფოთა თანამშრომლობის საერთაშორისო ორგანიზაცია.იგი შეიქმნა 1945 წლის 26 ივნისს სან-ფრანცისკოს კონფერენციაზე,როცა მის წესდებას ხელი მოაწერეს მსოფლიოს 50 ქვეყნის წარმომადგენლებმა.წესდება ძალაში შევიდა იმავე წლის 24 ოქტომბერს,ამიტომაც 24 ოქტომბერი ყოველწლიურად აღინიშნება,როგორც გაეროს დღე.გაეროს ძირითადი მიზნებია:ა)დაიცვას საერთაშორისო მშვიდობა და უსაფრთხოება; ბ)ხელი შეუწყოს და განავითაროს მსოფლიოს ქვეყნებს შორის მეგობრული ურთიერთობების ჩამოყალიბებას ხალხტა თანასწორუფლებიანობისა და თვითგამორკვევის პრინციპზე დაყრდნობით; გ)განახორციელოს საერთაშორისო თანამშრომლობა ეკონომიკური,სოციალური,კულტურული და ჰუმანიტარული პრობლემების გადასაჭრელად;დ)ხელი შეუწყოს ადამიანის ძირითად უფლებათა პატივისცემას.

დღეისთვის გაეროს წევრია 192 ქვეყანა,ბოლოს ამ ორგანიზაციის წევრი გახდა მონტენეგრო(2006წ.).საქართველო გაეროში გაწევრიანდა 1992 წლის 31 ივლისს.გაეროს საბჭოს მუდმივი წევრები არიან:აშშ,გაერთიანებული სამეფო,საფრანგეთი,რუსეთი და ჩინეთი.გაეროს შტაბ-ბინა მდებარეობს ნიუ-იორკში.